阿源成功脫毒 親證打算兩年後結婚

大家仲記唔記05年《星期日檔案》，一位叫阿源(梁文源)嘅隱閉青年(係，當年叫隱閉青年，唔係獨/毒男)，佢當年受訪，由於講咗好多金句，好似「我覺得自己係零」、「這些機會不是屬於我的」，意外成為網上面嘅萬能key圖。

而阿源嘅傳奇絕不止於此，日後佢由一個毒男，點樣成功脫毒，搵到工，識到女朋友等等，都成為網民嘅勵志故事。而阿源更加變成明星一樣，耐唔耐就會傳結婚，不過都係得個傳字，而今日就有報道搵到阿源真人，親證原來佢果然已經追到女，女友叫Fanny；阿源仲話:好想同女友兩年後結婚。

成功脫毒嘅阿源又拋金句鼓勵大家:「機會係自己把握，我就係人辦!」

阿源同女友Fanny(圓圖)(《Face》圖片)，想當年的阿源.......好勵志呀!



05年《星期日檔案》中嘅隱青阿源(梁文源)，8年來經過努力，不單搵到穩定工作，更識到女友，多年來都成為網友嘅話題，因為阿源脫毒成功，真係成功需苦幹！

阿源由一位「覺得自己係零」嘅隱青，之後去咗港大圖書館做助理，雖然並唔係咩高薪厚職，總算踏實做人自強不息，間唔時仲去做義工，佢女朋友Fanny就係05年做義工時識嘅!

今日有報道訪問阿源，究竟點樣追到拍拖5個月嘅女友Fanny呢?佢話05年兩個人做義工時識，仲好好傾，幾年來阿源都有掛住佢，不過始終唔敢搵對方，上年終於鼓起勇氣WhatsApp佢，阿源又爆金句話:「做男仔梗係要cool，唔可以做兵!」佢就send咗G.E.M.首《我的秘密》畀Fanny，叫佢留意歌詞示愛。之後約人行商場就拖手仔，話最鐘意Fanny夠真，又話覺得內涵係最重要嘅，所以女友個樣平凡就OK，就算畀嘉欣BB佢都唔要咁話!

阿源話睇返以前喺《星期日檔案》嘅片段，都踩自己:「我以前係廢柴。」咁依家佢畀幾多分自己呢?阿源就話七十分，因為做人唔可以太囂呀!

右圖: 阿源去試禮服，仲叫埋記者去陪佢(《Face》圖片) 同8年前嘅佢，係咪好唔同?

extra: