囚犯策劃劫獄 向探監女友自誇夠power 「過幾日同你睇《蝙蝠俠》」

http://hk.apple.nextmedia.com/news/art/20130222/18172769 
21歲青年趁女友探監期間遞上劫獄字條，要求女友吹雞到北區醫院協助逃獄一案續審，控方首次播出青年在探訪窗口與女友及友人講述其逃獄大計的內容，只見他自吹自擂：「我今日出冊，出冊好威呀，我做乜嘢都係咁X寸……過幾日可以同你睇《蝙蝠俠》。」 
記者：陳美珊 
控方在庭上播出去年7月27日，因販毒及傷人而被還押荔枝角收押所的顏坤堯（21歲），與女友羅詠彤（18歲）及鍾姓女友人探監時的影像及對話錄音。 

「係得我一個先諗到」 
在探監時間的15分鐘內，顏把一張手寫逃獄計劃及一幅草圖放上玻璃窗，他不斷重複指示羅及鍾「吹雞」、截的士、阻擋懲教員去路等部署，其間不斷爆粗，又自詡「我跑步快過晒所有差佬，好似火箭，開turbo咁」，又指示羅、鍾「逢係人都叫晒出嚟」，二人不斷回應「我知道，我知道」。

顏越說越興奮：「今日真係好X好時機，簡直係天時地利人和，我諗諗諗，今日終於走得到，真係有人試過，我就係要做第二個。你哋唔好當講笑，真係好似拍戲一模一樣。」但後來又說「我諗咗好耐，係得我一個先諗到，冇人試過㗎」，又問二人「今日幾多號？我今日出嚟，以後記住27號，阿茲卡班唔止喺醫院。唔知會唔會上新聞呀？柏霖仔上到新聞，我一樣上到！」又向羅說「咁多��妹跟我，我梗係有我個人之處啦。我都唔知你老公點解咁X夠power！」庭上不少人聞言都忍俊不禁。 
客貨車司機王文德（譯音）供稱，他在事發當天從收押所接載羅及鍾到北區醫院，羅在途中不斷打電話，稱「阿坤會自己放自己出嚟，吹行雞去北區醫院，手銬嗰啲好易搞，你主要幫我頂住兩個懲教俾佢（顏）走」。王說「其他客唔會講埋啲咁嘅嘢」，故對內容有深刻印象。 

 
曾在探監時商討逃獄計劃的姓鍾女被告改口認罪，獲准保釋候判。 
 
協助男友顏坤堯逃獄的被告羅詠彤。 

http://forum6.hkgolden.com/view.aspx?type=BW&message=4274554