標籤

2013年4月17日 星期三

捉到鹿唔識脫角

以前我個中化科老師成日話我地"捉到鹿唔識脫角"。
我當時都覺得好莫名其妙。咁當時又柒,無去追問。
而老師亦都只係不斷REPEAT呢句野都我畢業......

網上面都有所解釋:
鹿身上最貴既東西是隻鹿角。
原意表示你捉到隻鹿,你只係要佢身上其他位置既東西,而唔要全隻鹿最貴0既鹿角。
意思表示你手上已經得到一樣東西可以令你飛黃騰達,而你偏偏唔懂得去處理就放手。
照咁睇,老師有時可能係想講話明明 D DATA都比晒你,你都唔識攞D DATA去答題。
不過除左答題外GE場合,老師依然會成日彈呢句野出黎。

多年以後,終於有些少明白個意思。
好多時我地做個CASE時,明明做岩左某個STEP,但係就唔識跳去下一個STEP。
呢個現象發生O係好多學生身上。

其實,我地做任何事都要有見招拆招的思路。
牢記行動的重點、要領,令你的每一步無論是進攻、防守、資料整理、搜集、撤退、什至寒暄幾句都係有用的殺著,都能助你達到最終目標。
即係要多去思考、研究這些招式,以及多想一想如何才能讓這些招式更容易使出來。

而香港學生就好多時無完成任務GE系統思維,思路單一、單純,只執著於一條路。
即係唔識見招拆招、隨機應變。眼見問題出現,你都只用同一招,令狀況不斷腐化。

沒有留言:

張貼留言