理大生炒 iPad變蟹民 堅持7K放64G

蘋果公司本月中在港公開發售第三代 WiFi版新 iPad，一班理大學生相信「蘋果神話再現」，經網上訂購了 17部 64GB、 4部 32GB和 10部 16GB的新 iPad，希望轉手，每部賺到三成利潤。豈料，新 iPad炒價極速回落，最低價僅賺 12元，令不少人「炒燶貨」。
這班大學生「蟹民」連日來心急散貨，周圍找出貨門路，記者日前以買家身份聯絡一名姓黃女生，她說：「我哋係學生哥，唔係炒家，不如你開個靚價，大家雙贏咪好囉，可以即時交易。」
黃女亦坦言去過多個地方問價，因價錢不合，故沒有出貨。她還相約記者翌日於尖沙嘴交易，其後要求改在金馬倫道滙豐銀行門口見面，以便記者即場存錢入其戶口，一手交錢一手交貨，又直言慎防收到偽鈔。

見面當日，黃女與七名同學帶同 31部新 iPad前來，記者直言先達 16GB版回收價僅 3,900元時，提出議價，但黃女「企硬」說：「先達回收價一向全港最低啦！」她們更堅信 64GB版可以 7,000多元放售（原價 5,488元）。此時，記者表明身份要求與他們詳談，眾人頓時一臉失望，「我寧願你係差佬，拉我哋好過啦！」
新 iPad炒唔起，小炒家都不敢「長揸」。記者到先達廣場發現不少人逐間問價，希望賣得好價錢，但新 iPad回收價猶如股票，相當浮動， 16GB版更徘徊在 4,000至 4,100元。有市民議價賣 4,150元，即被職員揶揄說：「你行下先啦！」

http://hk.apple.nextmedia.com/template/apple/art_main.php?iss_id=20120330&sec_id=4104&subsec_id=11867&art_id=16204955 

p.s.班學生哥錄卡買咁多部ipad，如果卡數到期d機仲放唔出的話，
條數都幾大單，d息都幾千蚊個月