其實我一直都係高登潛水份子, 好欣賞高登巴打同絲打係各方面都一針見血既評論, 即使係關於我既報導都唔例外
不過我都好想同大家講一講,當日被採訪既情況
其實放榜前一晚我通左頂
當時補完動畫係岩岩講到大便王子貌似死左既劇情, 所以心情好激動忍唔住將喚惡魔漫畫從第一集追到最新連載
而我係個種唔夠訓會爆曬瘡黑眼圈勁樣衰既人 (當然其實冇左d暗瘡個樣都唔好得去邊)
當然我點估到自己會係6A? 我係學校成績都係中下, 企業概論都係常年全班最低分, 中化成日唔合格
所以我個日就係灰灰地臉都冇洗衫都冇換就去左攞成績表ww
係我最眼訓既時候比傳媒追訪真係唔好受
唔怕同大家講我CE中文說話得1等(即係U左)
AL個英文oral都C左
所以其實有個吹口post講我樣7講野口疾疾係冇錯
但其實我都唔想
係度最想強調既就係,我當日一開始比人問讀書心得
我只係講我只係上堂專心d考試爆下seed咁
佢地再問我點減壓我先話我平時跳開舞有學詠春啊恆宇啊平時都會畫下漫畫
跟住跟住!!!!!!!!!!!!!!!!!!!!!!!!!!!!!!!!!!!!!!!!!!!!!!!!
我對漫畫有興趣呢樣野就比佢地作為焦點
佢地問我有冇cosplay啊
我話2前年開始參加cosplay活動**做攝影師**,岩岩個中大event出左**一次cosplay**
有search過我係交區/uwants留言既大大相信都見到我有提到係**第一次cosplay**
當時我本來係想出tekken xiao yu, 點知臨時車唔切套衫, 但係又同攝影師們約好曬, 佢地好想影所以我先出左k-on mio, 始終人地請曬假我都唔係好好意思
係咁既情況下我咩都黎唔切準備, 作為新手一個我得確應承有好多地方做得唔妥當
我一直以為自己係中國人有黑髮,lum唔到影左出黎會係陽光下變左啡啡地
我平時都唔化妝, 第一次化係有好多好多問題
仲有係服飾方面都有好多錯處, 不過我已經係盡心去演譯個角色, 作為新手我係有好大改善空間
而且當日我係同記者們糾纏左大約半個鐘先勉為其難地著上左水手服, 我冇心當影個幾張相係cosplay緊, 亦都冇講自己係**cos緊小愛**
傳媒既報導需要賣點我好明白
而當日大家又知唔知我被佢地盤問左6個鐘呢?
由朝早係學校比記者訪問到到番到屋企比佢地由12:xx到6:xx冇停過我連水都冇飲加上好眼訓我開始語無倫次
其實當中我有80%時間係回答對讀書既睇法同我對時事好似遞保機制內地婦女來港產子既問題
佢地問到我對cosplay既睇法我都唔識答
我同佢地講**我只係cosplay新手一個, 真係冇話有咩
| 我同佢地講**我只係cosplay新手一個, 真係冇話有咩特別見解** 佢地有冇播出黎呢?冇。 被一再追問之下,,非常緊張地醒起之前係交區見過有大大出過post評論宜家既cosplay風氣點比人誤解 我就稍為將呢種想法講左出黎 我都唔想cosplayer比人誤解係想出位, 但係又**唔代表我反對口靚模去動漫展** 我自己都有買周秀娜同baby寫真集 長年睇得多銀魂我既內心已經係大叔 講話咩我想平反<<?唔好玩啦我都係係6個鐘既盤問裏面輕輕帶過左一下 我只係希望大家唔好信曬傳媒既報導 當時我都冇迫大家去了解當時既情況,畢竟大家唔在場 我只係有少少無奈 |
其實我並冇自相矛盾
當日完整既版本係咁:
記: 有冇去過動漫節?
我: 冇
記: 點解?
我: **以往**我對動漫節有少少意見 (相信大家都知道黑girls同動漫迷有咩過節等等)
記: 有冇打算今年去?
我: 我考慮緊,今年再睇下d安排係點, 如果冇咩問題**可能**會去
記: 如果真係去, 有冇咩想cosplay?
我: tekken既xiaoyu (畢業中大出唔成我好傷心)
好啦唔知點解出到報紙會變成另一個超強的撮寫版本
所以有好多地方大家可以曲解左我既意思, 但係都唔關大家事, 可能係我表達能力有問題, 畢業我好旨面對鏡頭又討厭講野
所以我唯一可以補救既就係推曬之後所有特輯,專訪同漫畫專欄
我都唔想大家將焦點放係我對acg既興趣上
畢業我毒都唔夠呢度其他大大毒
大家係報導所見既一小格櫃子只係我收藏既一部分
點解冇拉打變身腰帶,mg figure, 身為高達迷邊可能得咁少figure, 身為JUMP迷點可能得一本jump, 身為一個內心已是大叔既otaku,點可能得個丁屎咁少收藏??
究竟點解我唔肯開埋隔壁個4個入牆櫃?
原因好簡單
我唔想比人地(特別係家人)發現我其他既糟糕收藏
係GAME CD啊銀魂死神火影家教同人本
中村老師既漫畫我每套都有收藏用實際用同傳教用(識我既人都會知)
抱枕啊鬼畜眼鏡啊戀姬無雙啊等等等等
總不可能全都SHOW出來吧?
當然我知道自己都唔可以講係毒,不過小小既一個動漫迷都算吧?
始終我覺得唔係個個用我既讀書方法都可以成功, 亦都唔想鼓吹D細路比阿爸鬧話唔準睇漫畫快D去溫習,D細路就攞我出黎話個個6A狀元都係照睇啦<<咁我真係唔希望見到
就好似只有神知道的世界入面個神大人所講, 我一直都咁友善咁拒絕3次元, 點解大家都唔肯放過我?
我認我毒唔夠毒樣又唔夠靚讀書方面都係靠好彩COSPLAY又有問題自打嘴巴語無倫次生咁多暗瘡留係度污染群眾眼睛
其實6a又點?會識飛咩?我都唔知d報導出完街hku肯唔肯收個毒到咁既人,我自己都擔心緊冇大學收
6a又唔代表出到出到黎做野會有叻, 米又係書呆子一個
這麼一個無聊又平凡無比既女生, 就不要再成為大家既話題了好嗎?
謝謝大家（ ◉◞⊖◟◉ ）(<<很像beruzebubu吧~ww)
source:
http://forum5.hkgolden.com/view.aspx?type=BW&message=3115461
延伸月讀:AL 6條A 都玩 Cosplay
http://gian3211.blogspot.com/2011/06/al-6a-cosplay.html
沒有留言:
張貼留言