[神棍現形記] 全城相士預測 邊個做特首

麥玲玲　心水特首：唐英年

「唐英年本身屬龍犯本命年刑太歲之象，代表有唔少衝擊，容易有是非口舌，可幸佢一生有長輩同貴人扶助，加上面相好有福氣，下巴開闊有力，代表一生福星高照，往往少勞多得。而唐生嘅太太，有一雙腰果眼，代表艱難環境中仍能樂觀面對，有幫夫之象。梁振英雖有越戰越勇之象，但面相太單薄，貴人運弱。」

(阿媽係女人咁都預測到，勁呀麥玲玲)





黎漢持　心水特首：曾鈺成 

「如果曾鈺成有份入閘，一定係曾鈺成當選，今屆特首曾蔭權，嚟緊仲係姓曾世界，佢有呢個命，而且佢喺立法會咁耐，最了解政府運作，但就嫌佢瘦咗啲太削。何俊仁就最冇機會，樣唔夠霸氣。唐英年就恃住有後台撐腰，但佢下巴太窄，衰喺晚年，下巴唔夠氣勢。梁振英下巴有氣勢，但冇政治本錢，又眼大無神。」

李居明　心水特首：葉劉淑儀 

「術數嚟睇，女人管治香港比較好，由英女皇時代開始已成定律，女人配合到香港，葉劉淑儀有霸氣，唔會有咁多是非，就算唐英年或梁振英當選特首，一定要搵葉劉做政務司，由佢管理公務員，壓得住啲投訴，而且經歷過 23條衰過，葉劉已經唔怕衰。」

(葉劉呢排23條既咀臉show晒俾全香港人睇晒啦，李居士)



司徒法正　心水特首：唐英年 

「我幫佢哋五人都起過卦，以唐英年嘅卦象係歸一數，換句話說佢打回原形，去番原來地方，所以唐生呼聲一定最高，加上唐生係馬形臉，呢種臉相未必做到一國之君，但登上地方首長冇問題。」
(打回原形番去地牢睇女飲紅酒就中)

李丞責 (李星瑭二哥)　心水特首：唐英年

「唐唐今年犯太歲，正好特首要為港人操勞效力，同時又受好多壓力，完全符合條件，過往好多政要如董建華同奧巴馬，佢哋當選都咁啱係自己生肖嗰年，所以犯太歲未必唔好。」

(咁向左走向右走準，當年估唔估到自己離婚收場先)



李星瑭 (李丞責細佬)　心水特首：梁振英 

「佢家個樣同幾年前真係變咗，梁生個下庭好靚，兩顴飽滿，佢嘅運走咗出嚟，呢啲係相由心生，一個人行善積福，面相同性格就會跟住改變，大家不妨對番梁生嘅舊相，佢個樣真係同以前分別好大。」
(李星瑭名氣同收費都低佢大佬一大截，估唔到連智慧都一樣，不過咁向左走向右走準，下次叫人幫趁下你）

鍾應堂　心水特首：唐英年 
「唐英年相好，有官相，額高飽滿，中央好信任佢，是非搞唔到佢，佢只係俾人整蠱。梁振英唔得嘅，額窄，冇官相。」


區仲德　心水特首：唐英年 
「唐英年當官命，官架裏面有機會、有成就，但小人當道，口舌較多，但今年行月德貴人運，貴人高照， 99%必勝而回，成個命格睇嚟冇得輸。」


吳佩孚　心水特首：唐英年 
「唐英年條命係王者之命，佢合主東方，比肩局，東方代表共產黨，比肩即兄，代表唐生背後有好大靠山，無肩不出，雖然佢呢排是非多，但一切唔受損，絕對唔影響佢稱王。」


林炳南　心水特首：唐英年 
「唐英年係目字面相，主攻平穩，雖然佢係面臨風波，但一定會平穩度過。相對梁生係鷹鼻，佢鼻孔外露，會遇到好大風浪。唐生眼神又好夠定，佢生肖屬龍，今年犯太歲，但好快平息。」
(四條友似係唐營打手多過風水佬，不過都係一好樣，最like呃人十年八年)


鄭智恒　心水特首：梁振英 
「梁振英行緊官星大運，唐英年只不過行緊財運，兩者比較兩位都係叻人，但唐英年健康比較差。曾鈺成就完全唔係材料，睇到佢本身有暗病，腎臟、前列腺同尿道、風濕關節有問題。」

(呢條風水佬有前途呀，原來曾鈺成既黑材料就係由佢提供既，唔怪得估到cy做硬   )


陳天南　心水特首：唐英年 
「唐英年係秋天出世嘅木，雖凋，但今年龍年行東方木盛氣局，好旺唐英年，助佢有做官氣勢，相對金旺需要火嘅梁振英，碰啱今年係水局，水抗拒火，氣勢減弱。」

(陳天南係乜料？google都search唔向左走向右走到條友，無人識你喎)

轉姐（數字測運）　心水特首：唐英年 
「唐英年號碼係 7，佢先破壞，後建設，今年幸運數字係 7，所以唐生成數最高，無論有幾多負面新聞，都係最佳人選。梁振英號碼係６，工作有權力，但太冷，一刀切。」

(唐英年係Seven，梁振英係陸 "大陸"，明明就好向左走向右走準，但係點解結論係唐英年贏？真唔向左走向右走明 )


徐緣　心水特首：曾鈺成
「肖龍嘅唐英年五行屬木，本來好大機會，但併落五行屬火嘅曾鈺成，佢嘅火好旺，八運又行火，全部對手都唔夠佢嚟，佢真係要快啲報名參選。」
( 五行屬木又大幾會，五行屬火又大機會，全世界有2/5人口做到香港特首啦傻的嗎)


Jan Jan（塔羅牌）　心水特首：唐英年 
「雖然唐英年好多負面新聞，暫時睇唔到有影響，仲睇到唐生後面有好大勢力，後台好大好大。不過，睇到唐生當選後，民怨四起，葉劉淑儀就一定唔得，背後有小人，而且幫她嘅人唔得力。」
( 佢要用塔羅去睇到d一般小市民都會睇到既野，辛苦晒)


車婉婉（星座）　心水特首：梁振英
「梁振英屬獅子座，美國總統奧巴馬都係獅子座，獅子座嘅人有領導者風範。獅子座缺點係有時衝動，但領導人要考慮好多嘢，所以佢哋好需要團隊幫助，如果梁生有個好團隊，更加有優勢。」


楊志紅（塔羅牌）　心水特首：梁振英
「開咗牌局，梁振英嘅三張牌，過去一張係寶劍 9牌，代表佢過去要醒覺，家嘅一張牌係權杖牌，代表佢有權杖充滿生機，呢張牌完全顯示佢做特首嘅曙光，最後一張未來嘅牌雖然係死神，但千祈咪俾佢嚇窒，主要代表新舊交替，打破舊嘅先有新嘅輪迴。」

(睇黎中國傳統風水咁不濟，人地西洋野估中邊個做特首比率反而仲高)


蘇民峰 
「唔講啦，我依家好少評論。」

楊天命 
「唔係好方便回答。」

莫文蔚爸爸莫天賜 
助手代為回覆：「莫 Uncle今年冇推算香港特首，亦唔打算推算。」


(呢d先係勁，睇風水搵呢d最搵陣 )




EXTRA:
連黃大仙都無法估計
http://www1.hk.apple.nextmedia.com/template/apple/art_main.php?iss_id=20120123&sec_id=4104&art_id=16009322 



特首參選人籤文解讀
唐英年　第二十一籤　武則天賞花　上吉
典故：武則天賞花，意氣風發
寓意：特首寶座呼之欲出，但必經一番爭鬥


特首參選人籤文解讀
梁振英　第二十三籤　黃梁夢　中籤
典故：邯鄲黃梁夢，夢醒一切都虛空
寓意：選特首如好夢，但志不在此，下屆仍有機會