邊度有得學九陽神功?
最佳解答
當年張無忌學咗九陽神功，收復明教後，
最後好似去左檀香山隱居，
當然佢不忍見到一套驚世武學失傳，
於是將秘笈同心得，藏咗響檀香山最高o既山上。
直到1895年，當時只得18歲孫中山到檀香山留學，
由於攪革命被追捕，只好逃走上山，
誰料竟發現當年張無忌藏於山上的秘笈，
中山天資聰穎，骨格精奇，係一塊練工o既好材料，
在山中修練十餘天，已經學得九陽神工精髓，
並將追捕的秘探一一打倒。
中山以其武功幫助革命份子，
最後成功推翻清政府。
孫中山有感九陽神功若落入軍閥或邪惡之人之手，
必後患無窮，然而若武功失傳，
則有負張無忌厚望，
於是將武功改良，並改名為九龍神功，
將武功秘笈收藏於香港九龍o既九龍城寨內，
而只有中山十二名徒弟知道呢個秘密，
佢地組成惡人軍團，註守九龍城寨，
唔俾差佬及其他人士進入，
等九龍城寨變成一個三不管之地，
就係為咗保護秘笈同掩飾呢個秘密，
孫中山死前吩咐，唯有可以打敗十二弟子之人，方可取閱秘笈。
直到三十年前，一名青年叫做吳江，
年僅十五歲已於少林寺修練完畢，
佢從方仗口中知道九陽神功可能留落九龍，
於是到港尋找，機遇巧合下，
佢響九龍城寨遇上十二惡人，並將佢地打敗，
於是得到九陽神功並將之練成，
得到九陽神功護體，
佢好努力咁響歡樂滿東華飲滾油同食炭都冇事，
運用九陽神功佢為東華籌善款，
為人類謀幸福。
相信你要學九陽神功，都要去搵搵吳江師父。
沒有留言:
張貼留言