焗豬潮文

咪話呀叔唔教精你，我身經百戰，而家一腸（睇）個餐牌就知咩料。 
拿，大家樂而家最抵食既得一隻，叫上海骨菜飯，有豬扒幾舊，炸到酥，跟涼菜、半隻鹵強同菜飯，先29蚊。 
而焗豬呢都要叫得有技巧，唔係乜lan野時候都叫得，你一定要見佢個牌寫成呎長焗豬先叫得，唔係中伏！ 

拿，大家樂唔可以成日加價，所以佢d野食質素同果期既食材來價有關！ 
如果果期d冰凍豬扒平，佢就會入d大大件成個飯盒咁長，而且有1.748cm厚既豬扒。入左筍野佢地當然唔會放過晒命機會，所以個牌就會寫「成呎長一哥焗豬扒飯」！ 

如果果期d豬扒來價略貴，佢就會縮lan左成呎長幾隻字，淨係寫「一哥焗豬」！咁你叫時就要心中有數了！ 

如果果期連一哥兩隻字都冇埋，變成乜lan野鴛鴦焗飯，雞球併豬扒之類咁，就係果期豬扒來貨好貴，佢就整d垃圾出黎頂檔，07年～08年就發生過，一唔小心就中伏！！ 



======================================================================
不過大家唔駛驚會中伏，其實呢d係有路捉既，果期你上美國芝加哥期貨交易所個網睇豬肉期貨既價，如果巴西豬肉期貨價大跌就係準備有成呎長豬扒既時候了！ 


下次叫上海骨飯啦，唔跟野飲29蚊，睇師傅手神，有時會整5～6舊細扒入去，仲有一盒仔涼菜，係炸菜青瓜果d，仲有半隻鹵強，而跟飯有盒仔調味醬油，本來係撈涼菜既，但涼菜既夠味，就咁倒落菜飯到撈更香口。鍾意既加多杯佢地既即磨咖啡，以平價啡黎講算十分香口澴滑，+4蚊抵飲！




識野.有留意開呀叔既食評,都知幾個月前我已係到講黃豆、玉米、小麥跌價,加上世界經濟問題,意味農產品跌浪即將開始,豬肉自然不能幸免! 

事實上豬肉係11月8號見頂後急遽下衝,而家係85~95蚊之間徘徊 
 

另外根據ctfc顯示,非商業投機長倉急跌,趨勢已成,短期價難上.11月期貨跌價,12月有成呎長豬排,時間岩岩好,大家可以趁呢個時候去食番餐 



P.S.
相信各位巴打都睇過焗豬潮文！

岩先見大家樂平時既一哥焗豬扒飯，

變左，厚切一哥焗豬，即刻買黎試下！

塊豬扒真係大塊左，舊骨得細細舊！

篇潮文都有幾分真實 

各位真係見到厚切呀，成呎長先好食，

平時真係呃錢，同埋真係好貴，

焗豬加凍飲成$41