公司潮文

是咁的...


呢排全公司趕緊一個project, 食粥食飯都係靠呢獲, 大家都做到通頂幾日。

有一個同事特別勤力, 個project有一半係佢頂咁滯, 大家都睇好佢有得升, 點知到左慶功宴既時候, 大老闆宣佈升職唔係升呢個同事, 係升另一個擦鞋狗。

呢個同事一時激動, 跪係度係咁喊, 大老闆知衰即刻走過來安慰佢, 話其實預左下一個quarter就升佢。但係呢個同事大聲叫: "我, 唔要～～～～"

我地嚇到傻左, 呢個時候佢突然間彈起身話: "我要麥當勞叔叔, 我要麥當勞叔叔, 嘩哈哈, 嘩哈哈～～～～"

一班同事見到咁既情況都覺得黯然神傷, 有d仲喊起上來, 你地話打工仔做生做死為左咩?

故事後續[2]

之後其他人就扶個同事坐低抖一抖, 老闆真係驚出事, 走埋去酌杯水俾果個同事飲。

同事喃喃自語: "唧唧復唧唧..."

老闆聽到開始有D燥, 以為佢寸佢唔識中文, "你又開邊飯呀? 吟詩寸我呀?"

呢個同事又突然起身大叫: "唧唧復唧唧..........................我--要--飲--奶--昔, 我--要--飲--奶--昔, 嘩哈哈, 嘩哈哈"

老闆即時火起: "妖, 九唔搭八, 即刻搵人送走條契弟, 你地食完都好走喇, 聽日邊個遲到即刻抄"

我地覺得個慶功宴無晒癮, 即刻鬆人走頭, 之後個同事一直請sick leave無番工, 睇來都係入左青山多。