我覺得最基本既:
下盤最重要,要夠硬
防剷重點:保持距離,個個人轉人速度唔同,幾多要你打得多先捉到,要用蟹步防守,因為蟹步橫移快,有利閘住人地去路,如有高大既底,可放佢去weak side,再係旁邊用身體施壓,等個底去包
1,會有人玩野過你大細,唔洗轉身追,即刻大大力閘佢去路撞佢,你玩野過你大細,你唔洗比面佢
2,一有埋身硬接硬,就用胸口頂,擧高(佢左邊入就擧左手,右就擧右),另外果隻手要準備大大力抽洛去佢個波到,如果冇機會打洛去就最後都要擧,盡量干擾佢,因該幾時抽洛去?
第1可以係佢起動果下(呢下唔洗大力,放洛去偷),第2如果佢上籃果2步冇用上下手保護個波(呢到可能下邊再講),就可以打洛去,呢d打到小小手都唔會計,第3等佢跳果下
打果下一定要夠決心,快,要覺得一定會打到,不過都要預番力,唔好on99咁發顛打洛去,咁會好冇品.
3,最後一著,如果真係比佢呃過左喇,你可以回身追,用身體施壓,但係都好難再阻到,咁呢個時候你就可以從後偷,(假如佢cut右邊)最好用左手抽一抽水,整下佢左邊身體,再伸撚長你隻手打洛去佢拍波果邊博一博
我個人唔讚成平時防守用呢個方法,一偷唔到就收皮,成功率又唔高(可能我用呢招差)
防低位進攻:最簡單,唔可以比人拎位,如果比人地拎晒位既話,其實入得你8,9成架喇,但係唔比人拎位唯有用擾前防守同推佢出去,但係太消耗體力
所以如果人地想同我搶位既話,我會推到近key既位,呢個位置最好守,呢個時候重點係你隻腳,我會先呃一呃比佢入番小小,再伸隻腳入佢既位置,同佢硬頂再擧手,但係進攻低位步法太多,所以mark唔到都唔係你既錯,只要干擾到佢令到佢難出手你就成功了
最好你可以從進攻者既角度諗下,例如佢想爆你低位,驚你封既話,佢會先bomb你,令到你腳步錯左,彈跳力大減等等
http://forum11.hkgolden.com/view.aspx?type=BW&message=2954554
沒有留言:
張貼留言